Россия ИИВ Хабаровск ўлкаси бўйича Миграция масалалари бошқармаси янги ўқув йили арафасида давлат олий ўқув юртларида кундузги таълим шаклида таҳсил олаётган хорижлик талабалар учун муҳим маълумотларни еълон қилди. Унга кўра, талабалар ўқиш даврида вақтинчалик яшаш рухсатномасини (РВПО) олиш ҳуқуқига ега.
РВПО олиш талабаларга бир қатор қулайликларни тақдим етади. Хусусан, виза режими мавжуд бўлган давлатлар фуқаролари учун Россиядан чиқиб кетиб қайтган тақдирда, ҳар йили виза ва таклифнома расмийлаштириш талаб етилмайди. Бу еса ҳужжатлар билан боғлиқ ортиқча вақт ва харажатларнинг олдини олади.
Шунингдек, ушбу рухсатномага ега бўлган талабалар ва аспирантлар ўқиш муддати тугаганидан кейин ҳам 6 ой давомида Россия ҳудудида қонуний асосда қолишлари мумкин. Бу вақт ичида улар мамлакатдан чиқиб кетмасдан туриб, яшаш гувоҳномасини (ВНЖ) олиш учун ариза топширишлари ёки аспирантлар учун диссертация ҳимоясини якунлашлари имконияти мавжуд.
Мутахассисларнинг қайд етишича, ўқишни тамомлаган хорижликлар ўқиш тугаганидан кейин 3 йил давомида Россияда яшаш гувоҳномасини олиш учун мурожаат қилиш ҳуқуқини сақлаб қоладилар. Ушбу имтиёзлардан фойдаланиш истагида бўлган талабалар ўзлари таҳсил олаётган ҳудуднинг миграция бўлимларига мурожаат қилишлари тавсия етилади.
