Россияда меҳнат фаолиятини юритиш учун патент олишни режалаштирган фуқаролар учун ҳужжатларни қабул қилиш тартибига ўзгартириш киритилди. Эндиликда ҳужжатларни топшириш жараёни фақат олдиндан ёзилиш орқали амалга оширилади.
Расмий маълумотларга кўра, соат 08:00 дан 12:00 гача бўлган вақт оралиғида ҳужжатлар фақат олдиндан ёзилган шахслардан қабул қилинади. Ушбу тартибга риоя қилиш мигрантларнинг вақтини тежаш ва навбатларни тартибга солишга хизмат қилади.
Шунингдек, соат 12:00 дан кейин ҳам олдиндан ёзилган фуқаролар устувор тартибда қабул қилиниши белгиланган. Патент олиш истагида бўлган шахслар белгиланган муддатларда ҳужжатларини топширишлари учун тегишли тизим орқали олдиндан рўйхатдан ўтишлари талаб этилади.
