Россия Ички ишлар вазирлиги (ИИВ) вақтинчалик яшаш рухсатномаси (РВП) ва яшаш гувоҳномасига (ВНЖ) ега бўлган хорижий фуқароларнинг меҳнат фаолияти тўғрисида хабардор қилиш тартибини белгиловчи буйруқ лойиҳасини тайёрлади. Ушбу янгилик 2026-йил 26-июлда қабул қилинган федерал қонун ижросини таъминлаш мақсадида ишлаб чиқилган.
Ушбу талаб хусусий шахслар томонидан шахсий, маиший ва бошқа тадбиркорлик фаолияти билан боғлиқ бўлмаган юмушларни бажариш учун ёлланган шахсларга тааллуқлидир. Буларга, хусусан, енагалар, репетиторлар, ошпазлар ёки боғбонлар каби хизмат турлари киради. Бундай фаолиятни бошлаган хорижликлар 10 кун муддат ичида ҳудудий ИИВ органларини хабардор қилишлари шарт.
Хабарномани шахсан (ёки ваколатли ташкилот орқали), почта орқали буюртма хат билан ёки "Госуслуги" портали орқали електрон шаклда юбориш мумкин бўлади. Ҳужжат рус тилида, хатоларсиз ва қисқартмаларсиз тўлдирилиши талаб етилади. Шунингдек, хабарномага шахсий маълумотларни қайта ишлашга розилик ва меҳнат ёки фуқаролик-ҳуқуқий шартнома нусхаси илова қилиниши керак.
Бундан ташқари, қонунчиликдаги ўзгаришларга кўра, ушбу тоифадаги хорижликлар Россияда яшашини тасдиқловчи йиллик ҳисоботни топширишда даромадларини белгиланган аванс тўлови кўринишидаги солиқ тўловлари орқали тасдиқлаш имкониятига ега бўладилар. Янги қоидалар 2027-йил 1-январдан кучга кириши кутилмоқда.
