Красноярск ўлкасининг Емельяново қишлоғида яшовчи аёл ўзига тегишли бўлган икки қаватли уйни хорижлик фуқароларни сохта рўйхатга олиш учун фойдалангани аниқланди. Прокуратура маълумотларига кўра, аёл 2025-йил баҳоридан бошлаб ҳар бир киши учун 1,5 минг рубл эвазига хорижликларни ўз манзилида рўйхатдан ўтказиб келган.
Бир йилдан ортиқ вақт давомида аёл МФЙ (кўп функционал марказ) ва “Госуслуги” портали орқали жами 800 нафарга яқин хорижликни ушбу манзилга расмийлаштирган. Бироқ, текширувлар давомида рўйхатдан ўтган шахслар уйга умуман кирмагани ва калитларни олмагани маълум бўлган. Улар уйни фақат ташқи томондан кўрганликларини тан олишган.
Ушбу ҳолат юзасидан жиноят иши қўзғатилиб, суд аёлни хорижлик фуқароларни сохта рўйхатга олишда айбдор деб топди. Натижада у 200 минг рубл миқдорида жаримага тортилди.
Бундан ташқари, суд қарори билан қиймати 8 миллион рублдан ортиқ бўлган икки қаватли ёғоч уй ва унга тегишли ер майдони давлат фойдасига мусодара қилинди. Ушбу ҳолат хорижлик мигрантлар учун яшаш жойи бўйича ҳақиқий манзилга эга бўлиш қанчалик муҳимлигини ва сохта ҳужжатлар билан боғлиқ хавфларни кўрсатади.
