Россияда юқори малакали мутахассис (ВКС) мақомига ега бўлган хорижликлар учун меҳнат шароитлари ва иш ҳақига қўйиладиган талаблар ўзгармоқда. Амалдаги қоидаларга кўра, ВКС мақоми ноёб тажриба ва кўникмаларга ега бўлган мутахассисларга берилади. Ҳозирги кунда бундай ходимлар учун минимал иш ҳақи чорагига 750 минг рублни ташкил етади.
2027-йил 1-мартдан еътиборан ушбу мезонлар янгиланади. Янги қонунга мувофиқ, ВКС учун ойлик иш ҳақи миқдори мутахассислик турига қараб белгиланади. Хусусан, илмий ходимлар, ўқитувчилар ва тиббиёт соҳаси вакиллари учун ойига камида 358 500 рубл, бошқа тоифадаги юқори малакали мутахассислар учун еса камида 717 000 рубл миқдорида иш ҳақи белгиланиши шарт бўлади. Шунингдек, иш ҳақи мезонлари ҳар йили индексация қилиб борилади.
Иш берувчилар ВКС мақомидаги ходимлар билан тузилган меҳнат шартномаларини янги талабларга мувофиқлаштиришлари зарур. Шуни ёдда тутиш керакки, ВКС мақоми учун тиббий кўрикдан ўтиш, дактилоскопия (бармоқ изларини топшириш) ва тиббий суғурта (ДМС) полисини тақдим етиш мажбурий ҳисобланади. Ушбу талабларнинг бажарилмаслиги рухсатноманинг бекор қилинишига олиб келиши мумкин.
Агар ВКС ходими ишдан бўшаса, унга янги иш берувчи топиш учун 30 кунлик муддат берилади. Агар бу муддат ичида янги шартнома имзоланмаса, мутахассис яна 30 кун ичида Россия ҳудудини тарк етиши талаб етилади. ВКС мақомидаги шахсларнинг оила аъзолари ҳам Россияда меҳнат фаолияти билан шуғулланиши ёки таълим олиши мумкин, бироқ улар учун ҳам тегишли рухсатнома ва суғурта ҳужжатлари расмийлаштирилиши шарт.
