Камчатка ўлкаси суди 2025-йил август ойида содир этилган жиноят учун тўрт нафар хорижлик фуқарога нисбатан ҳукм чиқарди. Суд уларни одам ўғирлашда айбдор деб топиб, 5 йил 6 ойдан 6 йил 6 ойгача бўлган муддатга қатъий тартибли колонияга озодликдан маҳрум этиш жазосини тайинлади.
Аниқланишича, 2025-йил 13-август куни кечқурун тўрт нафар шахс ўз ватандошини мажбуран автомобилга ўтқазиб, Ғалаба шоҳ кўчасидаги бинога, сўнгра Садовий кўчасидаги кўп қаватли уйга олиб кетишган. Айбланувчилар ушбу ҳаракатларини жабрланувчи улардан бирининг онасини ҳақорат қилгани сабабли муносабатларни аниқлаб олиш истаги билан изоҳлаганлар.
Жабрланувчи эртаси куни эрталаб қочишга муваффақ бўлган. Суд жараёнида айбланувчилардан икки нафари ўз айбига тўлиқ иқрор бўлган, қолган икки нафарининг айби эса тўпланган далиллар мажмуи билан тасдиқланган.
Суд ҳукми ҳали қонуний кучга кирмаган. Айбланувчилар ушбу қарор устидан 15 сутка ичида шикоят қилиш ҳуқуқига эга.
