16-сентябр куни кечки пайт Фрунзе туманидаги Моравский тор кўчаси (Moravskiy pereulok), 3-уйда жойлашган хонадонларнинг биридан шовқин ва бақириқ овозлари эшитилган. Воқеа гувоҳлари дарҳол полицияга хабар беришган.
Етиб келган полиция ходимлари шу хонадонда яшовчи 23 ёшли петербурглик қиздан ариза қабул қилишди. Қизнинг сўзларига кўра, соат 21:00 ларда уйи биносида таниши билан рашк туфайли жанжал келиб чиққан. Эркак унинг iPhone ва HUAWEI русумли телефонларини тортиб олиб, ўзини бир неча бор урган ва воқеа жойидан қочиб кетган. Жабрланган қизга тиббий ёрдам кўрсатилиб, уйига жавоб берилган.
Мазкур ҳолат юзасидан талончилик (разбой) моддаси бўйича жиноят иши қўзғатилди. Ҳодисадан тўрт кун ўтиб, гумонланувчи ўша Моравский тор кўчасидаги уй яқинида қўлга олинди. У 25 ёшли Марказий Осиёдан келган муҳожир бўлиб чиқди. Ўғирланган телефонлар ундан далилий ашё сифатида мусодара қилинди.
