Россиянинг Сахалин вилояти Думаси депутатлари хорижлик фуқаролар учун меҳнат патенти қийматини белгиловчи қонун лойиҳасини биринчи ўқишда қабул қилди. Ушбу ҳужжатга кўра, 2027-йилда патентнинг ойлик қиймати 13 287 рубл этиб белгиланди.
Қонун лойиҳаси минтақа губернатори томонидан 10-август куни кўриб чиқиш учун тақдим этилган эди. Депутатлар мазкур ташаббусни бир овоздан қўллаб-қувватлашди.
Ушбу ўзгариш Сахалин вилоятида меҳнат фаолиятини юритаётган ёки келгусида ушбу ҳудудга ишлаш учун боришни режалаштираётган Ўзбекистон фуқароларига тааллуқлидир. Мигрантлар ўз бюджетларини режалаштиришда ушбу янги белгиланган тўлов миқдорини инобатга олишлари тавсия этилади.
