Бошқирдистон ҳудудидаги саноат зоналаридан бирида жойлашган Вилдберриес компаниясига қарашли объектда ёнғин содир бўлди. Компания матбуот хизматининг маълум қилишича, ҳодиса ҳаво ҳужуми оқибатида юзага келган.
Расмий баёнотга кўра, хавфсизлик талабларига мувофиқ, ҳужумдан олдин объектдаги барча ходимлар хавфсиз ҳудудга евакуация қилинган. Компания вакиллари ушбу ҳудудда товарлар сақланмаганини қўшимча қилди. Ҳозирги вақтда воқеа жойида ўт ўчириш бригадалари иш олиб бормоқда.
Бошқирдистон раҳбари Радий Хабиров минтақага учувчисиз учиш аппаратлари (дронлар) ёрдамида ҳужум уюштирилганини тасдиқлади. Унинг сўзларига кўра, дронлардан бирининг бўлаклари Салават шаҳри саноат зонаси ҳудудига қулаган, бу еса ёнғинга сабаб бўлган. Ҳодиса оқибатида жабрланганлар ҳақида маълумот берилмаган.
