Россия Тергов қўмитасининг Москва шаҳри бўйича бош бошқармаси маълумотларига кўра, пойтахтда хорижлик фуқарога нисбатан жиноят иши қўзғатилган. У Россия Жиноят кодексининг 318-моддаси 1-қисми (ҳокимият вакилига нисбатан зўравонлик ишлатиш) бўйича айбланмоқда.
Воқеа 2026-йил 23-июл куни кундузги вақтда юз берган. Тергов маълумотларига кўра, автобус салонида "Ташувларни ташкил етиш" давлат муассасаси назоратчиси чиптасиз йўловчини аниқлаган ва маъмурий баённома тузиш учун паспорт тақдим етишни талаб қилган. Йўловчи еса ушбу талабга бўйсунмай, назоратчига нисбатан куч ишлатган.
Ушбу ҳолат кузатув камералари орқали қайд етилган. Гумонланувчи шахс қўлга олинган, унга нисбатан айблов еълон қилинган ва еҳтиёт чораси танланган.
Москва Тергов қўмитаси жамоат транспорти ходимлари, жумладан, назоратчилар ўз хизмат вазифаларини бажараётган вақтда уларга нисбатан зўравонлик ишлатиш жиноий жавобгарликка сабаб бўлишини еслатиб ўтди. Россия Жиноят кодексининг 318-моддасига кўра, бундай қилмишлар учун жаримадан тортиб, озодликдан маҳрум қилишгача бўлган жазо чоралари белгиланган.
