Самара вилоятининг Новокуйбишевск шаҳри мери Виктория Каткова шаҳар ҳудудидаги савдо дўконларидан бирига ташриф буюрганида нохуш ҳолатга дуч келди. Мер дўкондан дуккакли маҳсулотлар ва қуритилган мевалар харид қилмоқчи бўлган, бироқ маҳсулотлар таркибида ҳашаротлар борлигини аниқлаган.
Шундан сўнг, шаҳар раҳбари сотувчидан маҳсулотларнинг сифатини тасдиқловчи ҳужжатлар ва сертификатларни тақдим етишни сўраган. Бироқ, сотувчи бу талабга нисбатан қўпол муносабат билдириб, ҳақоратли сўзларни ишлатган. Виктория Каткова ўзининг ижтимоий тармоқдаги саҳифасида бу ҳолат харидорлар ҳуқуқларини поймол қилиш ва соғлиқ учун хавфли еканлигини таъкидлаб ўтди.
Қайд етилишича, мазкур савдо нуқтасидаги барча маҳсулотлар текширув учун Россия Истеъмолчилар ҳуқуқларини ҳимоя қилиш хизматига (Роспотребнадзор) топширилган. Мер харидорларга сифациз маҳсулот сотиб олган тақдирда, уни қайтариб бериш ҳуқуқига ега еканликларини ва сотувчи рад етган тақдирда тегишли назорат органларига мурожаат қилишлари мумкинлигини еслатиб ўтди.
Ушбу ҳодиса шаҳар аҳолиси ўртасида муҳокамаларга сабаб бўлди. Шаҳар раҳбарияти мазкур савдо дўкони фаолиятини шахсий назоратига олганини маълум қилди. Россия қонунчилигига кўра, савдо объектларида санитария ва сифат талабларига риоя етилиши мажбурий ҳисобланади.
