Россия Федерацияси Тергов қўмитасининг Владимир вилояти бўйича бошқармаси хабарига кўра, Владимир шаҳри фуқароси йўл ҳаракати қоидалари бўйича назарий имтиҳонларни топширишда ёрдам бериш мақсадида махсус техник воситаларни сотганлиги учун судланди. 1983-йилда туғилган шахс Россия Жиноят кодексининг 138.1-моддаси (ахборотни яширин олиш учун мўлжалланган махсус техник воситаларни ноқонуний сотиш) бўйича айбдор деб топилди.
Тергов маълумотларига кўра, айбланувчи интернет орқали еълон бериб, имтиҳонларда ёрдам таклиф қилган. У мижозларига микронушник, радиоалоқа воситалари ва тугма шаклидаги яширин камерага ега футболкаларни тақдим етган. Имтиҳон вақтида айбланувчи бино ташқарисида туриб, мижозларига тўғри жавобларни диктовка қилиб турган.
Ноқонуний воситалардан фойдаланган шахслар имтиҳон жараёнида инспекторлар томонидан аниқланган. Хусусан, 1979-йилда туғилган фуқаро ва 1986-йилда туғилган хорижий фуқаронинг имтиҳон натижалари бекор қилиниб, улардан техник воситалар мусодара етилган. Мазкур шахсларнинг барчаси ҳам суд томонидан жаримага тортилган.
Суд ҳукмига кўра, техник воситаларни сотган шахсга 140 минг рубл миқдорида жарима жазоси тайинланди. Таъкидланишича, ушбу фуқаро аввалроқ Колчугино шаҳрида ҳам худди шундай қилмиш учун судланган ва 70 минг рубл жаримага тортилган еди. Айбланувчи ўз айбига иқрор бўлган.
