Карелия Республикасида 2026-йилнинг 1-октябридан 10-октябрига қадар «Ноқонуний мигрант-2026» федерал комплекс тезкор-профилактика операциясининг иккинчи босқичи ўтказилди. Тадбирда Россия ИИВнинг Карелия бўйича бошқармаси, Федерал хавфсизлик хизмати ва Росгвардия ходимлари иштирок этди.
Операция давомида хорижий фуқаролар яшайдиган ва ишлайдиган жойларда текширувлар ўтказилди. Натижада миграция қонунчилигини бузиш билан боғлиқ 120 дан ортиқ ҳолат қайд этилди, шундан 70 дан ортиғи Россияда бўлиш қоидаларини бузиш билан боғлиқ. Умумий ҳисобда 2 000 000 рублдан ортиқ маъмурий жарималар белгиланди.
Қоидабузарликлар натижасида 18 нафар хорижликни Россия ҳудудидан маъмурий йўл билан чиқариб юбориш тўғрисида қарор қабул қилинди. Улардан 14 нафари мажбурий тартибда, 4 нафари эса мустақил равишда чиқиб кетиши белгиланган. Шунингдек, 51 нафар хорижий фуқарога Россияга кириш тақиқланди ва 10 та яшаш учун рухсатнома (ВНЖ) бекор қилинди.
Бундан ташқари, хорижликларни сохта рўйхатга олиш ҳолатлари бўйича 10 та текширув материали рўйхатга олиниб, 2 та жиноят иши қўзғатилди. Йўл-патрул хизмати ходимлари томонидан хорижлик ҳайдовчилар томонидан содир этилган 15 дан ортиқ йўл ҳаракати қоидалари бузилиши аниқланди.
