Нижневартовск шаҳрида Россия ИИВ ходимлари томонидан миграция қонунчилигига риоя етилишини текшириш бўйича кенг кўламли рейдлар ўтказилди. Тадбирлар давомида хорижий фуқароларнинг мамлакатга кириш ва бўлиш тартибини бузиш ҳамда ноқонуний меҳнат фаолияти билан боғлиқ ҳолатлар аниқланди.
Текширувлар натижасида жами 43 та маъмурий баённома расмийлаштирилди. Қоидабузарликларнинг аксарияти Россия Федерацияси Маъмурий ҳуқуқбузарликлар тўғрисидаги кодексининг 18.8 (бўлиш режимини бузиш), 18.10 (ноқонуний меҳнат фаолияти) ва 18.11-моддалари билан боғлиқ. Шунингдек, жарималарни ўз вақтида тўламаслик билан боғлиқ яна 24 та ҳолат қайд етилган.
Қонунбузарликлар аниқланган 10 нафар хорижий фуқарога нисбатан Россия Федерациясидан маъмурий тартибда мажбурий чиқариб юбориш қарори қабул қилинди. Улар орасида қоидаларни бузган ҳолда ҳудудда бўлган бир нафар вояга етмаган шахс ҳам бор.
Бундан ташқари, шаҳар ҳудудида Россия фуқаролигидан маҳрум етиш ҳолати ҳам қайд етилган. Суд ҳукмига кўра, 43 ёшли маҳаллий фуқаронинг паспорти ҳақиқий емас деб топилиб, олиб қўйилган. Ҳозирда ҳуқуқ-тартибот органлари ушбу шахснинг мамлакатдан чиқиб кетиш жараёнини назорат қилмоқда.
Ҳуқуқни муҳофаза қилувчи органлар миграция қонунчилиги бўйича назорат тадбирлари тизимли равишда давом еттирилишини маълум қилди. Фуқаролардан Россия қонунларига қатъий риоя қилиш талаб етилади.
