Псков вилояти ИИБ миграция бўлинмалари ходимлари томонидан ўтказилган текширувлар давомида Россия ҳудудида ноқонуний бўлиб турган хорижий фуқаролар аниқланди. Шунингдек, назорат тадбирлари жараёнида жиноят содир этганлиги учун жавобгарликка тортилган шахслар ҳам аниқланган.
Жорий йилнинг сентябрь ойида Россия ҳудудида қонуний асосларсиз яшаб келган 5 нафар хорижлик фуқаро ўз ватанига мажбурий тартибда қайтарилди. Ушбу шахсларга нисбатан Россия Федерацияси ҳудудига киришга 5 йиллик тақиқлов белгиланди.
Россия ИИВ маълумотларига кўра, миграция қонунчилигини бузиш, жумладан, рухсат этилган муддатдан ортиқ қолиш ёки ишлаш рухсатномаси ҳужжатларидаги камчиликлар хорижлик мигрантлар учун жиддий ҳуқуқий оқибатларга олиб келади. Мутахассислар мигрантларга ўз ҳужжатларининг амал қилиш муддатини доимий назорат қилиб боришни ва қонуний яшаш тартибига риоя қилишни эслатиб ўтишади.
