Татаристоннинг Лаишево туманида Ўзбекистон фуқаросига нисбатан суд ҳукми ўқилди. Аниқланишича, фуқаро маст ҳолатда автомобил бошқаргани учун йўл-патрул хизмати ходимлари томонидан тўхтатилган. Текширув давомида у тиббий кўрикдан ўтишдан бош тортган ва ҳайдовчилик гувоҳномасига ега бўлмагани маълум бўлган.
Суд жараёнида айбланувчининг аввалги қонунбузарликлари ҳам инобатга олинди. Хусусан, у 2025-йил декабр ойида ҳайдовчилик ҳуқуқидан маҳрум етилган бўлса-да, 2026-йилнинг май ойида яна рулга ўтирган. Шунингдек, у Россия ҳудудида ноқонуний бўлиб тургани ва аввалроқ Москва суди томонидан гиёҳванд моддалар билан боғлиқ жиноят учун шартли жазо тайинлангани аниқланди.
Суд қарорига кўра, фуқаро уч йил-у бир ой муддатга умумий тартибли колонияга жойлаштирилди. Шунингдек, у икки йил муддатга транспорт воситасини бошқариш ҳуқуқидан маҳрум етилди. Ҳукм ўқилган заҳоти шахс суд залида ҳибсга олинди, унинг автомобили еса егасига (онаси) қайтариб берилди.
