Санкт-Петербург шаҳар суди хорижий давлат фуқаросига нисбатан ҳукм чиқарди. Судланувчи уюшган гуруҳ таркибида гиёҳванд моддаларни контрабанда қилиш, жўнатиш ва сотишга уринишда айбдор деб топилди.
Россия ИИВнинг сув транспортидаги Санкт-Петербург бўлими терговчилари томонидан аниқланишича, 2015-yilda судланувчи ва унинг шериклари Эквадордан Россияга кокаин контрабандасини ташкил қилган. Санкт-Петербург денгиз портида юк кемаси контейнеридаги банан қутилари орасидан 98 килограмм тақиқланган модда топилган.
Жиноят содир этилгач, гумонланувчи яширинган ва 2017-yilda қидирувга берилган. Ўтган йилнинг январь ойида у Перу Республикасида қўлга олиниб, Россияга экстрадиция қилинган. Иш бўйича бошқа шериклардан бири аввалроқ 16 йилга озодликдан маҳрум этилган, яна бир иштирокчи эса қидирувда қолмоқда.
Суд қарорига кўра, судланувчи қатъий тартибли колонияда 16 йил муддатга озодликдан маҳрум этилди. Ҳозирги вақтда суд ҳукми ҳали қонуний кучга кирмаган.
