Россия Федерал молия мониторинги хизмати (Росфинмониторинг) террорчи ва экстремистлар рўйхатига 14 ёшли самаралик ўқувчи қизни киритди. 8-октябрь куни эълон қилинган маълумотларга кўра, ўқувчи қиз тақиқланган адабиётларни сақлаш ҳамда экстремистик мазмундаги интернет-чатларда иштирок этишда гумон қилинган.
Ҳуқуқ-тартибот идоралари ходимларининг аниқлашича, қиз ўз синфдошига пичоқ билан ҳужум қилганидан сўнг қўлга олинган. Ҳозирда у 30 кунлик ҳибсга олинган ва мажбурий даволанишга юборилган. Тергов жараёнида унинг экстремистик гуруҳлар таъсирига тушиб қолгани маълум бўлган.
Россия Хавфсизлик кенгаши матбуот хизматининг жорий йил июль ойидаги маълумотларига кўра, мамлакатда ёллаш натижасида террорчилик жиноятларини содир этган ўсмирлар сони 2,2 баробарга, экстремистик йўналишдаги жиноятларни содир этган вояга етмаганлар сони эса 1,4 баробарга ошган.
Ушбу ҳолат ота-оналар ва васийларнинг фарзандларининг интернетдаги фаолияти ҳамда улар мулоқот қилаётган доираларни назорат қилишлари муҳимлигини кўрсатади. Қонунчиликка кўра, экстремистик материалларни сақлаш ёки тарқатиш оғир ҳуқуқий оқибатларга, жумладан, жиноий жавобгарликка олиб келиши мумкин.
