Россия ИИВнинг Пенза шаҳри бўйича бошқармаси ходимлари 2001-yilda туғилган хорижий фуқарога нисбатан жиноят иши қўзғатди. У Россия Федерацияси Жиноят кодексининг 327-моддаси 3-қисми (ҳужжатларни қалбакилаштириш) бўйича гумон қилинмоқда.
Аниқланишича, 25 ёшли мигрант миграция бўлимига патент расмийлаштириш учун мурожаат қилган. У тақдим этган рус тилини билиш даражаси тўғрисидаги сертификатнинг ҳақиқийлиги полиция ходимларида шубҳа уйғотган. Ўтказилган экспертиза ҳужжатнинг қалбаки эканлигини тасдиқлади.
Сўроқ жараёнида йигит сертификатни интернетдаги мессенжерлар орқали буюртма қилиб, почта орқали қабул қилиб олганини тан олган. Ҳозирда ушбу ҳолат юзасидан тергов ҳаракатлари олиб борилмоқда.
Россия қонунчилигига кўра, мазкур модда бўйича айбдор деб топилган шахс 1 йилгача озодликдан маҳрум этилиши мумкин. Ҳуқуқ-тартибот органлари мигрантларни расмий ҳужжатларни олишда фақат қонуний йўллардан фойдаланишга чақирмоқда.
