Свердловск вилоят суди Тожикистон фуқароси Разимурод Д.га нисбатан очилган жиноят ишини кўриб чиқишни бошлайди. Судланувчи Россия Жиноят кодексининг бир нечта моддалари, жумладан, қотиллик (105-модда), вояга етмаган шахсга нисбатан зўравонлик ҳаракатлари (132-модда) ҳамда порнографик материаллар тарқатиш (242.2-модда) бўйича айбланмоқда.
Тергов маълумотларига кўра, 2026-йилнинг март ойида эркак ўзи билан бирга яшаган аёлни ўлдирганликда гумонланиб қўлга олинган. Ҳодиса вақтида жабрланувчи маст ҳолатда бўлган, шу сабабли тергов органлари ушбу ҳаракатни ҳимоясиз ҳолатдаги шахсга қилинган ҳужум сифатида баҳолаган.
Шунингдек, тергов жараёнида судланувчининг Омск шаҳридаги вояга етмаган қиз билан ножоя мазмундаги ёзишмалари аниқланган. Айбланувчи қизга беҳаё суратлар юборгани учун порнография тарқатиш моддаси бўйича ҳам жавобгарликка тортилмоқда.
Суд ҳужжатларига кўра, айбланувчига қўйилган айбловлар ўта оғир ҳисобланади. Россия қонунчилигига мувофиқ, ушбу жиноятлар учун судланувчига умрбод қамоқ жазоси тайинланиши мумкин.
