Новосибирск шаҳрида ҳуқуқ-тартибот органлари ходимлари томонидан интим хизматлар кўрсатиб келган иккита яширин массаж салони фаолиятига чек қўйилди. Мазкур муассасалар марказий ҳудудда жойлашган бўлиб, мижозларни фақат олдиндан ёзилиш асосида қабул қилган.
Ўтказилган тезкор тадбирлар давомида ушбу ноқонуний бизнесни ташкил этган эр-хотин ва уларга алоқадор шахслар қўлга олинди. Маълумотларга кўра, ташкилотчилар ҳафтасига бир миллион рублдан ортиқ даромад топишган. Тинтув жараёнида бир ярим миллион рубл нақд пул ва турли техник воситалар ашёвий далил сифатида олиб қўйилди.
Текширувлар натижасида салонларда ноқонуний меҳнат фаолияти билан шуғулланган шахслар аниқланди. Улар орасида ўн етти ёшли қиз ва ҳужжатлари бўлмаган бир нафар хорижлик аёл борлиги маълум бўлди. Ҳозирда мазкур ҳолат юзасидан жиноят иши қўзғатилган.
Россия ИИВ маълумотларига кўра, салон ташкилотчилари суд қарори билан ҳибсга олинган. Массажчи сифатида ишлаган аёллар, шу жумладан, ҳужжатларсиз фаолият юритган хорижлик фуқаро ҳам маъмурий жавобгарликка тортилди.
