Волжский шаҳрида Россия ИИВнинг миграция масалалари бўйича бўлими ходимлари томонидан миграция қонунчилигига риоя етилишини текшириш мақсадида кенг кўламли рейдлар ташкил етилди. Текширувлар асосан хорижий фуқаролар ишлайдиган ва яшайдиган ҳудудлар, хусусан, қурилиш майдончалари, қишлоқ хўжалиги ерлари ҳамда ётоқхоналарни қамраб олди.
Рейд давомида елликка яқин шахснинг ҳужжатлари текширилди. Натижада миграция қоидаларини бузганлик бўйича 18 та маъмурий баённома расмийлаштирилди. Аниқланган қоидабузарликлар орасида Россияга кириш ёки бўлиш тартибини бузиш, рухсатнома ёки патенциз меҳнат фаолиятини амалга ошириш ҳамда патент олиш учун муддатларни ўтказиб юбориш каби ҳолатлар мавжуд.
Шунингдек, текширувлар давомида хорижий фуқароларга қонуний тартибни бузган ҳолда турар жой берган шахслар ҳам аниқланди. Қоидабузарларга нисбатан маъмурий жарималар қўлланилиши кўзда тутилган бўлиб, барча ҳолатлар юзасидан текширув ишлари давом етмоқда.
Волгоград вилояти полицияси иш берувчилар ҳамда уй-жой егаларини хорижий фуқароларни ишга жалб қилиш ва уларга турар жой тақдим етишда амалдаги қонунчилик талабларига қатъий риоя қилишга чақирмоқда. Шаҳарда миграция қонунчилиги устидан назорат доимий равишда олиб борилади.
