Россия ИИВнинг Белгород вилояти бўйича бошқармаси ходимлари ҳудудда миграция қонунчилиги бузилишининг олдини олиш мақсадида тезкор-профилактика тадбирларини ўтказди. Текширувлар қурилиш майдончалари, савдо обектлари, транспорт инфратузилмаси, умумий овқатланиш шохобчалари ҳамда хорижий фуқаролар яшайдиган манзилларни қамраб олди.
Ўтказилган тадбирлар давомида жами 155 та маъмурий ҳуқуқбузарлик аниқланган бўлиб, уларнинг 63 таси хорижий фуқаролар томонидан содир етилган. Қоидабузарликлар учун умумий ҳисобда ярим миллион рублдан ортиқ жарималар белгиланди.
Назорат тадбирлари натижасида назорат остидаги шахслар реестрига киритилган тўрт нафар хорижий фуқаро аниқланди. Улар Россия Федерацияси ҳудудидан чиқариб юборилди ва уларга 5 йилдан 10 йилгача бўлган муддатга кириш тақиқи қўйилди.
Шунингдек, ҳуқуқни муҳофаза қилувчи органлар томонидан ноқонуний миграцияни ташкил етиш ҳолатлари ҳам қайд етилди. Хусусан, Старий Оскол шаҳар округида икки нафар хорижий фуқаронинг ноқонуний бўлишини таъминлаган шахслар гуруҳига нисбатан Россия Жиноят кодексининг 322.1-моддаси бўйича жиноий иш қўзғатилди. Бундан ташқари, сохта ҳайдовчилик гувоҳномасидан фойдаланган хорижий фуқарога нисбатан ҳам жиноят иши очилди.
