Россия ИИВ маълумотларига кўра, хорижлик фуқароларнинг биометрик маълумотларини йиғиш бўйича експеримент бошланганидан буён чегара назоратидан 14 миллионга яқин киши ўтган. Текширувлар натижасида Россияга кириши тақиқланган 70 мингга яқин шахс аниқланган.
Ушбу тизим хорижликларни чегара назорати вақтида фотосурат ва бармоқ излари орқали идентификация қилиш имконини беради. Тизим нафақат маълумотларни йиғиш, балки кириш тақиқланганидан сўнг шахсий маълумотларини ўзгартириб, қайтадан киришга уринган фуқароларни аниқлашда ҳам ёрдам бермоқда.
Експеримент 2024-йил 1-декабрдан бошлаб Москва авиация узели (Шереметево, Домодедово, Жуковский) ва Оренбург вилоятидаги "Маштаково" автомобил ўтказиш пунктида йўлга қўйилган еди. 2025-йил 1-майдан бошлаб Внуково халқаро аеропорти ҳам ушбу жараёнга қўшилди.
2026-йил июн ойида еса яна 11 та чегара ўтказиш пункти, жумладан, Санкт-Петербург, Новосибирск, Красноярск, Екатеринбург шаҳарлари ҳамда Олтой ўлкаси, Иркуцк, Курган, Новосибирск, Саратов, Оренбург ва Омск вилоятларидаги пунктлар замонавий биометрик тизимлар билан жиҳозланди.
