Россия Ички ишлар вазирлиги хорижлик фуқароларнинг мамлакатга киришини тақиқлаш ёки ушбу тақиқни бекор қилиш жараёнини тезлаштириш бўйича янги тартибни жорий қилди. Ендиликда тегишли қарор қабул қилинганидан сўнг, хорижлик фуқаро бу ҳақда уч иш куни ичида хабардор қилиниши шарт. Аввалги тартибда бу муддат аниқ белгиланмаган еди.
Янги қоидаларга кўра, хабарнома икки нусхада тайёрланади. Бир нусхаси хорижлик фуқарога шахсан топширилади ёки почта орқали юборилади, иккинчи нусхаси еса унинг шахсий йиғма жилдига қўшиб қўйилади. Шунингдек, аеропортлар, вокзаллар ва портлардаги миграция назорати ходимлари ендиликда қарор лойиҳасини 24 соат ичида тайёрлашлари керак бўлади (аввал бу муддат икки иш кунини ташкил етган).
Жараённи тезлаштириш мақсадида қарорни тасдиқлаш ваколати миграция бўлинмаси бошлиғи билан бир қаторда унинг ўринбосарига ҳам берилди. Бундан ташқари, хорижлик фуқаронинг Россия ҳудудидаги оила аъзолари ҳақидаги маълумотларни текшириш тартиби бекор қилинди. Шуни таъкидлаш керакки, кириш тақиқи ёки уни бекор қилиш бўйича ишни кўриб чиқишнинг асосий муддати ўзгаришсиз қолди ва 15 иш кунини ташкил етади.
