Санкт-Петербург шаҳри ва Ленинград вилояти бўйича Россия ИИВ бошқармаси ходимлари 11-август куни шаҳар ҳудудида навбатдаги профилактик рейд тадбирларини ўтказди. Текширувлар асосан Калининский ва Вйборгский туманларидаги қурилиш обектлари ҳамда хорижий фуқаролар яшайдиган манзилларда амалга оширилди.
Политечническая ва Кантемировская кўчалари ҳамда Вйборгская қирғоғи ҳудудида олиб борилган назорат тадбирлари давомида жами 123 нафар шахс текширилди. Улардан 119 нафари хорижий давлат фуқаролари еканлиги аниқланди.
Текширув натижаларига кўра, 19 нафар хорижлик фуқарода миграция қонунчилиги билан боғлиқ қоидабузарликлар аниқланди. Ушбу шахслар ҳудудий полиция бўлимларига олиб борилиб, уларга нисбатан Россия Федерацияси Маъмурий ҳуқуқбузарликлар тўғрисидаги кодексининг 18.8-моддаси бўйича баённомалар расмийлаштирилди.
Қонунбузарлик содир етган шахслар маъмурий жавобгарликка тортилди. Уларга нисбатан жарималар белгиланиши ҳамда Россия Федерацияси ҳудудидан чиқариб юборилиши кутилмоқда.
