2026-йил 21-октябр — Россиянинг Омск вилоятида меҳнат патенти асосида ишлайдиган хориж фуқаролари учун жорий этилган тақиқ ва чекловлар муддати яна узаaytirilishi кутилмоқда.
Минтақа Меҳнат вазирлиги томонидан ишлаб чиқилган янги губернатор фармони лойиҳасига кўра, мигрантларнинг 21 та иқтисодий соҳада фаолият юритишига қўйилган тақиқ 2027-йил охиригача ўз кучида қолади.
Маҳаллий расмий манбалар ва оммавий ахборот воситаларининг хабар беришича, ушбу чора вилоят меҳнат бозорида барқарорликни таъминлаш ва маҳаллий аҳоли учун иш ўринларини ҳимоя қилиш мақсадида амалга оширилмоқда.
Ҳозирда мазкур ҳужжат лойиҳаси жамоатчилик муҳокамасига қўйилган бўлиб, таклиф ва мулоҳазаларни қабул қилиш 2026-йилнинг 23-октябрига қадар давом этади. Агар фармон расман имзоланса, янги қоидалар 2027-йилнинг 1-январидан бошлаб кучга киради.
