Свердловск вилояти Касаба уюшмалари федерацияси раҳбари Андрей Ветлужских мигрантларнинг иш ҳақини ошириш зарурати ҳақида фикр билдирди. Унинг сўзларига кўра, хорижлик ишчилар маҳаллий аҳолига нисбатан “арзон ишчи кучи” сифатида қаралмаслиги керак.
Касаба уюшмалари раҳбари мигрантларни касаба уюшмаларига жалб қилиш орқали уларнинг “оқ” (расмий) маош олишини таъминлашга ҳаракат қилаётганини таъкидлади. Бу чора иш берувчиларнинг хорижлик ходимлар ҳисобига тежашига йўл қўймаслик ва улар ўртасидаги рақобатни мувозанатлашга қаратилган.
Андрей Ветлужскихнинг қайд этишича, тизим шундай ишлаши керакки, иш берувчи учун маҳаллий ходимни ёллаш хорижлик ишчини ёллашдан кўра камроқ фойдали бўлиб қолмаслиги лозим. Бу ташаббуснинг асосий мақсади — хорижлик ишчиларнинг ҳуқуқларини ҳимоя қилиш ва меҳнат бозорида тенг шароитларни яратишдан иборат.
Ушбу таклиф мигрантлар учун иш берувчилар билан тузиладиган меҳнат шартномаларида шаффофликни ошириш ва қонуний даромад кафолатларини кучайтиришга қаратилган амалий қадам сифатида кўрилмоқда.
