Rossiya huquq-tartibot organlari Telegram kanallaridagi ommaviy chiqishlar va foydalanuvchilar tomonidan qoldirilgan izohlarni diqqat bilan kuzatmoqda. Agar izohlar yoki xabarlar millati, irqi, tili yoki boshqa belgilar bo'yicha kamsitish yoki nafrat qo'zg'atish deb topilsa, mualliflar qonuniy javobgarlikka tortilishi mumkin.
2026-yilda sud amaliyotida Telegram'dagi haqoratli va nojo'ya so'zlardan foydalanilgan izohlar uchun Rossiya Jinoyat kodeksining 282-moddasi 2-qismi «a» bandi bo'yicha jinoiy ish qo'zg'atilgan holatlar qayd etilgan. Ushbu qoidalar barcha foydalanuvchilar, jumladan, migrantlar uchun ham birdek amal qiladi.
Ushbu holatlar sababli, Telegram kanal ma'muriyatiga huquq-tartibot organlaridan ayrim foydalanuvchilarning izohlari yuzasidan murojaatlar kelib tushmoqda. Ma'muriyat xavfsizlik maqsadida foydalanuvchilarga o'zlari yozgan eski izohlarni o'chirish imkoniyatini taqdim etmoqda.
Agar siz avval qoldirgan izohlaringizni o'chirishni istasangiz, kanal ma'muriyatiga shaxsiy xabarlar orqali murojaat qilishingiz mumkin. Ma'muriyat nafaqat dastlabki izohni, balki unga berilgan javoblar va o'zaro replikalarni ham o'chirish choralarini ko'radi. Shuningdek, akkauntingizdan qoldirilgan boshqa shubhali izohlarni tekshirishni so'rash imkoniyati ham mavjud.
