Sankt-Peterburg shahri va Leningrad viloyati bo‘yicha Rossiya IIV boshqarmasi xodimlari 11-avgust kuni shahar hududida navbatdagi profilaktik reyd tadbirlarini o‘tkazdi. Tekshiruvlar asosan Kalininskiy va Vyborgskiy tumanlaridagi qurilish obyektlari hamda xorijiy fuqarolar yashaydigan manzillarda amalga oshirildi.
Politechnicheskaya va Kantemirovskaya ko‘chalari hamda Vyborgskaya qirg‘og‘i hududida olib borilgan nazorat tadbirlari davomida jami 123 nafar shaxs tekshirildi. Ulardan 119 nafari xorijiy davlat fuqarolari ekanligi aniqlandi.
Tekshiruv natijalariga ko‘ra, 19 nafar xorijlik fuqaroda migratsiya qonunchiligi bilan bog‘liq qoidabuzarliklar aniqlandi. Ushbu shaxslar hududiy politsiya bo‘limlariga olib borilib, ularga nisbatan Rossiya Federatsiyasi Ma’muriy huquqbuzarliklar to‘g‘risidagi kodeksining 18.8-moddasi bo‘yicha bayonnomalar rasmiylashtirildi.
Qonunbuzarlik sodir etgan shaxslar ma’muriy javobgarlikka tortildi. Ularga nisbatan jarimalar belgilanishi hamda Rossiya Federatsiyasi hududidan chiqarib yuborilishi kutilmoqda.
