Rossiya Liberal-demokratik partiyasi (LDPR) vakillarining ta’kidlashicha, Rossiya postsovet hududidagi migratsiya oqimlarining asosiy joziba markazlaridan biri bo‘lib qolmoqda. Shu bilan birga, chet ellik ishchilarning mutlaq ko‘pchiligi professional tayyorgarlikka yuqori talablar qo‘yilmaydigan sohalarda band bo‘lgan past malakali shaxslardir. Migrantlar, odatda, o‘zlari bilan birga oila a’zolarini ham olib kelishadi, ular esa Rossiyada yashaydi, lekin ishlamaydi.
Partiya rahbari Leonid Sluskiy quyidagicha fikr bildirdi:
— “LDPR migrantlarga o‘zlarining ko‘p sonli oilalarini Rossiyaga olib kelishni taqiqlashni qat’iy talab qiladi. Mamlakatimizga kelayotganlarning nazoratsiz oqimini to‘xtatish zarur — budjet mablag‘lari begona oilalarning cho‘ntagiga ketmasdan, Rossiya fuqarolari uchun xizmat qilishi kerak”.
Bunday holat migratsiya oqimlarining nafaqat mehnat faoliyatiga, balki ijtimoiy to‘lovlarni olishga ham yo‘naltirilishiga olib keladi, bu esa barcha darajadagi budjetlarga qo‘shimcha yuklama hosil qiladi.
Qonun loyihasining tushuntirish xatida shunday deyilgan:
“Qonun loyihasi noqonuniy migratsiyaga qarshi kurashishning huquqiy asoslarini takomillashtirishga qaratilgan bo‘lib, chet el fuqarolariga mamlakatda bo‘lish uchun mustaqil qonuniy asosga ega bo‘lmagan oila a’zolarisiz, faqat qonuniy asosda mehnat majburiyatlarini bajarish davrida Rossiya Federatsiyasi hududida bo‘lishlariga ruxsat berishni ko‘zda tutadi”.
