Qozon shahrida xorijiy mutaxassislar uchun huquqiy savodxonlikni oshirishga qaratilgan uchrashuv tashkil etildi. Tadbir "Texnologiya chistoti-M" kompaniyasi hamda Tatariston Respublikasi Xorijiy fuqarolarni ijtimoiy va madaniy moslashtirish markazi ekspertlari hamkorligida o‘tkazildi.
Uchrashuvning asosiy maqsadi migrantlarga Rossiya qonunchiligidagi muhim jihatlarni tushuntirish hamda huquqiy xavflarni kamaytirishdan iborat bo‘ldi. Mutaxassislar migratsiya hisobiga turish tartib-qoidalari, hujjatlarni rasmiylashtirish bosqichlari va qonuniy talablar haqida batafsil ma’lumot berishdi.
Shuningdek, ishtirokchilarga ijtimoiy qo‘llab-quvvatlash imkoniyatlari va qonun doirasidagi xulq-atvor qoidalari yuzasidan tushuntirishlar berildi. Ekspertlarning ta’kidlashicha, huquqiy bilimga ega bo‘lish migrantlarning o‘z ish faoliyatini xotirjam va ishonch bilan davom ettirishiga xizmat qiladi.
Ushbu kabi tashabbuslar qonun hujjatlarini bilmaslik oqibatida yuzaga kelishi mumkin bo‘lgan tasodifiy huquqbuzarliklarning oldini olishga qaratilgan. Bu esa ish beruvchi va xodim o‘rtasida o‘zaro ishonchli munosabatlarni o‘rnatish hamda mehnat muhitini yaxshilashda muhim ahamiyat kasb etadi.
