Rossiya IIVning Magadan viloyati bo‘yicha boshqarmasi xodimlari o‘tgan hafta davomida qidiruvda bo‘lgan 11 nafar shaxsning turgan joyini aniqladi. Mazkur tadbirlar mintaqaviy va shahar darajasidagi ichki ishlar organlari tomonidan amalga oshirildi.
Aniqlangan shaxslar orasida Rossiya Jinoyat kodeksining 322.3-moddasi (xorijiy fuqarolarni yashash joyi bo‘yicha soxta migratsiya hisobiga qo‘yish) bo‘yicha ayblanayotganlar hamda aliment to‘lamagan fuqarolar ham bor. Shuningdek, qidiruv natijasida bedarak yo‘qolgan besh nafar fuqaro, jumladan, bir nafar voyaga yetmagan shaxs topildi.
Ichki ishlar organlari bedarak yo‘qolganlar haqidagi arizalar aloqa uzilgan vaqtdan qat’i nazar, zudlik bilan qabul qilinishini eslatib o‘tdi. Fuqarolar bu kabi holatlar yuzasidan politsiyaning navbatchilik qismiga, 102 yoki 112 raqamlariga murojaat qilishlari mumkin.
