SOS
Jinoyat

Aleksandrovda politsiyachiga hujum qilgan migrant sud qilinmoqda

Aleksandrovda politsiyachiga hujum qilgan migrant sud qilinmoqda

Rossiyaning Aleksandrov shahrida politsiya bo'limida xodimga hujum qilgan shaxsga nisbatan jinoyat ishi qo'zg'atildi. Hodisa 2026-yil 19-oktabrga o'tar kechasi sodir bo'lgan. Huquq-tartibot organlari xodimlari mast holatda bo'lgan erkakni jamoat joyidan politsiya bo'limiga olib kelishgan.

Prokuratura ma'lumotlariga ko'ra, ertalab navbatchi kamera eshigini ochgan vaqtda ushlangan shaxs unga tashlanib, yiqitishga uringan. Mojaro davomida u politsiyachining qo'lidan uch marta tishlab, tan jarohati yetkazgan.

Aniqlanishicha, hujum qilgan shaxs Tojikiston fuqarosi bo'lib, Rossiyada noqonuniy yashab kelgan. U avvalroq mamlakatga kirish taqiqlanganiga qaramay, shaxsiy ma'lumotlarini o'zgartirib, yangi pasport bilan qaytadan kirib kelgan.

Ayblanuvchi o'z aybiga to'liq iqror bo'lgan. Hozirda u hibsda saqlanmoqda va jinoyat ishi Aleksandrov shahar sudiga ko'rib chiqish uchun yuborilgan. Sud hukmi ijro etilgandan so'ng, ushbu shaxsni Rossiyadan chiqarib yuborish rejalashtirilgan.

09.11.20263