Yekaterinburg shahrida 20 yoshli xorij fuqarosi Shermuhammad Gulmurodovga nisbatan sud hukmi o‘qildi. U 2024-yil oktyabr oyida 13 yoshli maktab o‘quvchisiga nisbatan zo‘ravonlik qilganlikda aybdor deb topildi. Tergov ma’lumotlariga ko‘ra, hodisa tashlandiq binoda sodir bo‘lgan.
Kirov tuman sudi ayblanuvchini Rossiya Jinoyat kodeksining 131-moddasi (14 yoshga to‘lmagan shaxsga nisbatan zo‘ravonlik) va 213-moddasi (bezorilik) bo‘yicha aybdor deb topdi. Sud jarayonida sudlanuvchi o‘z aybiga iqror bo‘lmagan va voqea o‘zaro rozilik asosida yuz berganini da’vo qilgan.
Sud qaroriga ko‘ra, Shermuhammad Gulmurodov 12 yil va 20 kun muddatga qat’iy tartibli koloniyaga hukm qilindi. Shuningdek, sud qarori bilan jabrlanuvchi foydasiga 1 million rubl miqdorida ma’naviy zarar undirilishi belgilandi.
Ta’kidlash joizki, Rossiya qonunchiligiga ko‘ra, voyaga yetmaganlarga nisbatan sodir etilgan og‘ir jinoyatlar uchun jazo choralari qat’iy hisoblanadi. Ushbu sud jarayoni xorijlik fuqarolar uchun mahalliy qonunlarga rioya qilish va huquqbuzarliklarning og‘ir oqibatlari haqida ogohlantirish vazifasini o‘taydi.
