Ivanovo shahrida huquq-tartibot organlari xodimlari bank kartasidan pul o'g'irlashda gumon qilingan shaxsni qo'lga oldi. Dastlabki ma'lumotlarga ko'ra, gumonlanuvchi avtomobillarga yonilg'i quyish shoxobchasi hududida birovga tegishli bank kartasini topib olgan va undan shaxsiy maqsadlarda foydalanishga qaror qilgan.
Erkak topilgan kartadan foydalanib, avtoservisda xaridlar amalga oshirgan. Natijada jabrlanuvchining hisob raqamidan jami 5 000 rubldan ortiq mablag' yechib olingan. Olib borilgan tezkor-qidiruv tadbirlari natijasida gumonlanuvchining shaxsi aniqlanib, u qo'lga olindi.
Ma'lum bo'lishicha, ushlangan shaxs Rossiya hududida amaldagi qonunchilikni buzgan holda, ya'ni noqonuniy ravishda yashab kelayotgan xorij fuqarosi bo'lib chiqdi. Hozirda unga nisbatan Rossiya Jinoyat kodeksining 158-moddasi 3-qismi («Bank hisobvarag'idan o'g'rilik») bo'yicha jinoyat ishi qo'zg'atilgan.
Bundan tashqari, mazkur shaxs Rossiya hududida noqonuniy bo'lib turgan shaxslar reestriga kiritildi. Sud hukmi va belgilangan jazo muddati o'tab bo'lingandan so'ng, ushbu fuqaroga nisbatan Rossiya Federatsiyasidan majburiy deportatsiya qilish chorasi qo'llaniladi.
