Kamchatka o'lkasi sudi 2025-yil avgust oyida sodir etilgan jinoyat uchun to'rt nafar xorijlik fuqaroga nisbatan hukm chiqardi. Sud ularni odam o'g'irlashda aybdor deb topib, 5 yil 6 oydan 6 yil 6 oygacha bo'lgan muddatga qat'iy tartibli koloniyaga ozodlikdan mahrum etish jazosini tayinladi.
Aniqlanishicha, 2025-yil 13-avgust kuni kechqurun to'rt nafar shaxs o'z vatandoshini majburan avtomobilga o'tqazib, G'alaba shoh ko'chasidagi binoga, so'ngra Sadoviy ko'chasidagi ko'p qavatli uyga olib ketishgan. Ayblanuvchilar ushbu harakatlarini jabrlanuvchi ulardan birining onasini haqorat qilgani sababli munosabatlarni aniqlab olish istagi bilan izohlaganlar.
Jabrlanuvchi ertasi kuni ertalab qochishga muvaffaq bo'lgan. Sud jarayonida ayblanuvchilardan ikki nafari o'z aybiga to'liq iqror bo'lgan, qolgan ikki nafarining aybi esa to'plangan dalillar majmui bilan tasdiqlangan.
Sud hukmi hali qonuniy kuchga kirmagan. Ayblanuvchilar ushbu qaror ustidan 15 sutka ichida shikoyat qilish huquqiga ega.
