Omsk viloyati IIB narkotiklarni nazorat qilish boshqarmasi xodimlari tomonidan o'tkazilgan tezkor tadbir davomida 25 yoshli Markaziy Osiyo fuqarosi qo'lga olindi. U shahar hududida giyohvand moddalarni yashirin joylarga (zakladka) joylashtirish orqali sotish bilan shug'ullanganlikda gumon qilinmoqda.
Aniqlanishicha, gumonlanuvchi Omskga bir oy avval kelgan. Tergov ma'lumotlariga ko'ra, u messenjer orqali tanishgan shaxsning taklifi bilan noqonuniy faoliyatga kirishgan. U Lyubinskiy tumanidan oldindan qadoqlangan giyohvand moddalarni olib, shaharning turli hududlariga tarqatib kelgan. Oxirgi partiya 200 ta o'ramdan iborat bo'lgan.
Shaxsiy tintuv vaqtida gumonlanuvchidan 179 ta o'ramdagi kukunsimon modda topilgan. Ekspertiza xulosasiga ko'ra, ushbu moddalar jami 0,3 grammdan bo'lgan metadon ekani aniqlangan.
Rossiya IIVning Omsk shahri bo'yicha 8-sonli politsiya bo'limi tergovchisi tomonidan jinoyat kodeksining 30-moddasi 3-qismi va 228.1-moddasi 4-qismi (giyohvand moddalarni yirik miqdorda sotishga urinish) bilan jinoyat ishi qo'zg'atildi. Omsk shahri Sovet tuman sudi qarori bilan gumonlanuvchiga nisbatan qamoqqa olish tarzidagi ehtiyot chorasi tanlandi.
