Orenburg viloyatining Eksperimentalniy qishlog‘i yaqinida yo‘l-patrul xizmati xodimlari tomonidan "Volvo" rusumli avtomobil to‘xtatildi. Tekshiruv jarayonida 30 yoshli xorijlik haydovchi taqdim etgan haydovchilik guvohnomasi inspektorlarda shubha uyg‘otdi.
Ushbu hujjat olib qo‘yilib, ekspertiza tekshiruviga yuborildi. Tekshiruv natijalariga ko‘ra, guvohnoma soxta ekani va rangli struyli printer yordamida tayyorlangani aniqlandi. Haydovchining so‘zlariga ko‘ra, u mazkur hujjatni internet tarmog‘i orqali sotib olgan.
Mazkur holat yuzasidan huquq-tartibot organlari tomonidan jinoyat ishi qo‘zg‘atildi. Hozirda gumonlanuvchi shaxsga nisbatan yashash joyidan chiqib ketmaslik to‘g‘risidagi ehtiyot chorasi qo‘llanilgan.
