Rossiya Federatsiyasi Tergov qo'mitasining Xabarovsk o'lkasi va Yahudiy avtonom viloyati bo'yicha boshqarmasi xabariga ko'ra, 26 yoshli xorijlik fuqaroga nisbatan Rossiya Jinoyat kodeksining 291-moddasi 3-qismi (mansabdor shaxsga noqonuniy harakatlar uchun pora berish) bo'yicha ayblov e'lon qilindi.
Tergov ma'lumotlariga ko'ra, 2026-yil sentyabr oyining boshida mazkur shaxs Xabarovsk ko'chalaridan birida to'xtab turgan avtomobil ichida politsiya tezkor vakiliga 50 ming rubl miqdorida pora taklif qilgan. U ushbu mablag' evaziga o'ziga nisbatan avvalroq qo'yilgan Rossiya hududiga kirishni 50 yil muddatga taqiqlash to'g'risidagi qarorni bekor qilishni so'ragan.
Pora berish jarayonida shaxs Rossiya Federal xavfsizlik xizmati (FSB) xodimlari tomonidan qo'lga olingan. Hozirgi vaqtda ayblanuvchiga nisbatan ehtiyot chorasi sifatida qamoqqa olish tanlangan.
Tergov organlari jinoyatning barcha holatlarini aniqlash hamda dalillar bazasini to'plash yuzasidan protsessual harakatlarni davom ettirmoqda.
