Yujno-Saxalinsk shahrida Rossiya IIV xodimlari tomonidan mulkiy jinoyat fosh etildi. Savdo markazlaridan birida ishlagan 44 yoshli xorijlik ishchi o'z hamkasbiga tegishli bo'lgan 15 350 rubl qiymatidagi tilla uzukni o'g'irlaganlikda gumon qilinmoqda.
Politsiya ma'lumotlariga ko'ra, gumonlanuvchi ish joyida qarovsiz qolgan zargarlik buyumini ko'rib qolgan va hech kim yo'qligidan foydalanib, uni cho'ntagiga solib olgan. Jabrlanuvchi yo'qotishni sezgach, huquqni muhofaza qiluvchi organlarga murojaat qilgan. Tezkor qidiruv tadbirlari natijasida o'g'irlangan buyum topilib, egasiga qaytarildi.
Ushbu holat yuzasidan Rossiya Jinoyat kodeksining 158-moddasi 1-qismi («O'g'rilik») bilan jinoyat ishi qo'zg'atildi. Hozirgi vaqtda gumonlanuvchiga nisbatan yashash joyidan chiqib ketmaslik va munosib xulq-atvor haqida tilxat olish tarzidagi ehtiyot chorasi qo'llanilgan.
Eslatib o'tamiz, Rossiya qonunchiligiga ko'ra, o'zganing mulkini yashirin ravishda talon-toroj qilish jinoiy javobgarlikka sabab bo'ladi. Bu kabi huquqbuzarliklar migrantlarning Rossiya Federatsiyasidagi huquqiy maqomi va kelgusidagi mehnat faoliyatiga jiddiy ta'sir ko'rsatishi mumkin.
