Rossiyadagi migrantlar orasida «Amina» ilovasidan foydalanish va uni doimo yonida olib yurish zarurati bo'yicha savollar ko'paymoqda. Xususan, foydalanuvchilar sayrga chiqqanda ham telefonni o'zlari bilan olib yurishlari shartmi, degan masalaga aniqlik kiritishni so'rashgan.
Mutaxassislarning tavsiyasiga ko'ra, politsiya xodimlari tomonidan hujjatlar tekshirilganda jarayonni sezilarli darajada soddalashtirish uchun «Amina» ilovasi o'rnatilgan mobil qurilmani doimo yonida olib yurish maqsadga muvofiqdir. Bu qoida ayniqsa, asosiy telefoni Android tizimida bo'lmagan foydalanuvchilar uchun ham dolzarb hisoblanadi.
Shuningdek, «Amina» ilovasi iOS operatsion tizimida ishlovchi qurilmalar uchun ham mavjudligi eslatib o'tildi. iPhone foydalanuvchilari ushbu ilovadan veb-ilova formatida bemalol foydalanishlari mumkin.
