Chelyabinsk shahridagi ko'p qavatli uylardan birida joylashgan noqonuniy xostellar mahalliy aholining e'tiroziga sabab bo'ldi. Fuqarolar ijtimoiy tarmoqlar orqali ushbu xonadonlarda ko'plab xorijliklar istiqomat qilayotgani, buning oqibatida sanitariya holati yomonlashgani va umumiy uy-joy kommunal xizmatlari uchun to'lovlar oshib ketganidan shikoyat qilishgan.
Ushbu holat Rossiya Tergov qo'mitasi raisi Aleksandr Bastrikinning e'tiboriga tushdi. Tergov qo'mitasi axborot markazi ma'lumotlariga ko'ra, mazkur shikoyatlar yuzasidan tekshiruv ishlari boshlangan. Hozirda Rossiya Tergov qo'mitasining Chelyabinsk viloyati bo'yicha boshqarmasi vaziyatni o'rganmoqda.
Aleksandr Bastrikin viloyat tergov boshqarmasi rahbari vazifasini bajaruvchi Aleksey Lyujinga tekshiruv davomida aniqlangan holatlar va uning yakuniy natijalari bo'yicha hisobot berishni topshirdi. Tekshiruv jarayonida xostellarning qonuniyligi va yashash sharoitlari tahlil qilinadi.
Rossiyada yashovchi migrantlar uchun ushbu holat yashash joyini tanlashda qonuniy hujjatlarga rioya qilish muhimligini anglatadi. Noqonuniy ijaraga olingan yoki sanitariya talablariga javob bermaydigan xostellarda yashash huquqiy muammolarga va tekshiruvlarga sabab bo'lishi mumkin.
