Magadan viloyatining Susuman tumanida ichki ishlar organlari xodimlari tomonidan oltin qazib olish sohasini nazorat qilish bo‘yicha profilaktik tadbir o‘tkazildi. Tadbir davomida qimmatbaho metallarni o‘g‘irlash holati fosh etildi.
Politsiya xodimlari konlardan birida motorist bo‘lib ishlagan 30 yoshli xorijlik fuqaroni qo‘lga oldi. Dastlabki ma’lumotlarga ko‘ra, ushbu shaxs tarkibida 280 gramm sanoat oltini bo‘lgan konsentratni o‘g‘irlagan. Yetkazilgan zarar miqdori 3,2 million rubldan oshishi baholanmoqda.
Tintuv jarayonida gumonlanuvchining avtomobilidan va yashash joyidan plastik idishlarga joylangan qimmatbaho xomashyo topilib, ashyoviy dalil sifatida olib qo‘yildi. Topilgan metall ekspertizaga yuborildi.
Rossiya Federatsiyasi Jinoyat kodeksining 158-moddasi 4-qismi «b» bandi bo‘yicha jinoyat ishi qo‘zg‘atildi. Gumonlanuvchi vaqtincha saqlash hibsxonasiga joylashtirildi, tergov harakatlari davom etmoqda.
