Moskva shahrida yo‘l harakati qoidalari bilan bog‘liq nizoli vaziyat yuzaga keldi. Ma’lumotlarga ko‘ra, haydovchilar o‘rtasidagi kelishmovchilikka yo‘lda bir-biriga yo‘l bermaslik sabab bo‘lgan.
Ijtimoiy tarmoqlarda tarqalgan videotasvirlarda bir guruh shaxslar boshqa avtomobilga hujum qilgani aks etgan. Hodisa ishtirokchilaridan birining qo‘lida qurolga o‘xshash buyum bo‘lgani kuzatilgan.
Ushbu holat yuzasidan tegishli organlar tomonidan surishtiruv ishlari boshlangan. Huquqni muhofaza qiluvchi idoralar voqea tafsilotlarini o‘rganmoqda va qonuniy choralar ko‘rilishini ta’minlamoqda.
Rossiya hududida istiqomat qilayotgan va ishlayotgan vatandoshlarimizdan yo‘l harakati qoidalariga qat’iy rioya qilish hamda nizoli vaziyatlardan qochish so‘raladi. Har qanday kelishmovchilikni qonuniy yo‘l bilan hal etish tavsiya etiladi.
