Rostov politsiyasi tomonidan kuryerlik xizmati xodimlari o'rtasida navbatdagi profilaktik reyd o'tkazildi. Tekshiruv jarayonida jami 78 nafar kuryer nazoratdan o'tkazilgan bo'lib, ularning 51 nafari xorijiy davlat fuqarolari ekanligi ma'lum bo'ldi.
Tekshiruv natijalariga ko'ra, 5 nafar xorijlik ishchida qonunbuzarlikning 9 xil holati qayd etildi. Xususan, ushbu shaxslarda ishlash uchun ruxsat beruvchi patentning mavjud emasligi hamda Rossiyada bo'lish qoidalariga rioya qilmaslik holatlari aniqlandi.
Shuningdek, yo'l harakati qoidalarini qo'pol ravishda buzgan 3 nafar xorijlik kuryer ham aniqlandi. Ularda haydovchilik guvohnomasi va tegishli sug'urta hujjatlari bo'lmagan. Bundan tashqari, huquqni muhofaza qiluvchi organ xodimlarida tekshirilgan kuryerlardan biri taqdim etgan migratsiya hisobi bo'yicha hujjatning haqiqiyligiga nisbatan shubha uyg'ongan.
Ushbu holatlar yuzasidan tegishli tekshiruv ishlari olib borilmoqda. Migrantlarga o'z hujjatlarini, jumladan, patent va migratsiya hisobini doimo qonuniy tartibda saqlash hamda yo'l harakati qoidalariga qat'iy amal qilish tavsiya etiladi.
