Sankt-Peterburgning Petrodvorets tumanida joylashgan qurilish obyektlaridan birida 28-oktabr kuni huquq-tartibot organlari tomonidan tekshiruv o'tkazildi. Budyonniy shoh ko'chasidagi turar joy majmuasi qurilishida ishlayotgan 191 nafar xorijiy fuqaroning hujjatlari politsiya xodimlari tomonidan nazoratdan o'tkazildi.
Tekshiruv jarayonida migratsiya qonunchiligiga rioya etilishi asosiy e'tibor qaratildi. Reyd natijalariga ko'ra, 4 nafar xorijlik fuqaro Rossiya Federatsiyasi Ma'muriy huquqbuzarliklar to'g'risidagi kodeksining 18.8-moddasi (Rossiyaga kirish yoki mamlakatda bo'lish qoidalarini buzish) bo'yicha gumonlanib, hududiy politsiya bo'limiga olib ketildi. Ushbu shaxslar qonunbuzarliklari uchun tegishli tartibda javobgarlikka tortilishi va mamlakatdan chiqarib yuborilishi mumkin.
Sankt-Peterburg va Leningrad viloyati bo'yicha Rossiya IIV bosh boshqarmasi ma'lumotiga ko'ra, bunday profilaktik tadbirlar tizimli ravishda o'tkazib kelinmoqda. Shahar hududida migratsiya qonunchiligi buzilishlarini aniqlash va ularning oldini olishga qaratilgan tekshiruvlar kelgusida ham davom ettirilishi ma'lum qilindi.
Qurilish maydonchasida o'tkazilgan reyd davomida taqiqlangan buyumlar aniqlanmagan. Migrantlarga o'z hujjatlarini doimo tartibda saqlash va Rossiya Federatsiyasi migratsiya qoidalari talablariga qat'iy rioya qilish tavsiya etiladi.
