Yekaterinburg shahrining Pexotintsev ko'chasida huquq-tartibot organlari xodimlari tomonidan migrantlarga nisbatan navbatdagi reyd o'tkazildi. Shahar IIV matbuot xizmati ushbu harakatlar hududda migratsiya sohasidagi qonunbuzarliklarni aniqlash va ularning oldini olishga qaratilgan operativ-profilaktik tadbir ekanligini tasdiqladi.
Reyd davomida huquqni muhofaza qiluvchi organlar xodimlari fuqarolarning shaxsini tasdiqlovchi hujjatlarini tekshirmoqda. O'tkazilayotgan tekshiruvlar migrantlarning Rossiya Federatsiyasi hududida qonuniy bo'lish shartlariga rioya etishini nazorat qilish maqsadida tashkil etilgan.
Eslatib o'tamiz, sentyabr oyi boshida Yekaterinburgning Jeleznodorojniy tumanida ham shunga o'xshash tekshiruvlar o'tkazilgan edi. O'sha operatsiya davomida Rossiya fuqaroligini olgan, biroq harbiy hisobga turmagan shaxslar hamda mamlakatda noqonuniy bo'lib turgan xorijliklar qidirilgan.
Bundan oldin, iyul oyi boshida Novosverdlovsk issiqlik elektr stansiyasi (TES) yaqinida o'tkazilgan reyd natijasida 42 nafar migrant ushlangan va ulardan 12 nafari mamlakatdan chiqarib yuborilgan edi. Migrantlarga o'z hujjatlarini doimo tartibda saqlash va migratsiya qonunchiligi talablariga qat'iy rioya qilish tavsiya etiladi.
