Amur viloyatining Skovorodino munitsipal okrugida politsiya va tabiatdan foydalanish vazirligi xodimlari tomonidan reydlar o‘tkazildi. Tekshiruvlar asosan oltin qazib oluvchi artellar va sanoat maydonchalarida amalga oshirildi.
Oldoy daryosi yaqinidagi hududda 8 nafar muhojir ishlash uchun tegishli patentga ega bo‘lmagan holda mehnat qilayotgani aniqlandi. Ularning har biriga nisbatan ma’muriy bayonnomalar rasmiylashtirildi.
Shuningdek, Mokcha daryosi yaqinida yana 27 nafar xorijlik tekshiruvdan o‘tkazildi. Ulardan 26 nafarida ishlash uchun ruxsatnoma bo‘lmagan, bir nafar shaxs esa Rossiya hududida qonuniy asoslarsiz bo‘lib turgani ma’lum bo‘ldi.
Umumiy hisobda reydlar davomida migratsiya qoidalarini buzgan 35 nafar shaxs aniqlandi. Huquqni muhofaza qiluvchi organlar qaroriga ko‘ra, ushbu fuqarolarning barchasini Rossiya hududidan ma’muriy tartibda chiqarib yuborish choralari ko‘rilmoqda.
