Boshqirdiston Respublikasi Ichki ishlar vazirligi xodimlari Rossiya Federal xavfsizlik xizmati va Milliy gvardiya ko'magida «Noqonuniy-2026» federal kompleks tezkor-profilaktika operatsiyasining ikkinchi bosqichini o'tkazmoqda. Tadbirlar xorijlik fuqarolar yashaydigan, ishlaydigan va dam oladigan joylarda nazoratni kuchaytirishga qaratilgan.
Joriy yilning 7-oktyabr kuni Ufa shahridagi ulgurji va chakana savdo majmualarida o'tkazilgan reydlar davomida 170 nafardan ortiq Markaziy Osiyo va Shimoliy Kavkaz mintaqalaridan kelgan xorijiy fuqarolar tekshiruvdan o'tkazildi. Tekshiruv natijasida Rossiya hududida noqonuniy bo'lib turgan shaxslar aniqlandi.
Migratsiya qonunchiligini buzgan xorijliklarga nisbatan ma'muriy choralar ko'rilmoqda. Jumladan, qoidabuzarlar Rossiya hududidan chiqarib yuborilishi va kelgusida mamlakatga qayta kirish huquqidan uzoq muddatga mahrum etilishi mumkin. Barcha tekshirilgan shaxslar bilan qonunchilikka rioya qilish bo'yicha profilaktik suhbatlar o'tkazildi.
Boshqirdiston IIV Migratsiya boshqarmasi xorijliklarning noqonuniy yashashi yoki ishlashi holatlari haqida xabar berishni so'ramoqda. Shuningdek, idora xorijiy fuqarolarni soxta ro'yxatdan o'tkazish Rossiya qonunchiligiga ko'ra jinoiy javobgarlikka sabab bo'lishini eslatib o'tdi.
